Team India

"ग्रहण' आणि "गुढी'
खऱ्याखुऱ्या खग्रास सूर्यग्रहणाच्या
दोन दिवस आधीच...
"टीम इंडिया'च्या "सूर्या'ला
ग्रहण लागलं...
बांगलादेशच्या चंद्रानं झाकोळून टाकलं...
आणि देशभर अंधार पसरला...
"पोर्ट ऑफ स्पेन'च्या मैदानाचं
चक्क "कुरुक्षेत्र' झालं...
"स्वकीयां'शी लढायचं कसं, म्हणून
आधुनिक पांडवांचं अवसान गळालं...
युद्ध सुरू व्हायच्या आधीच "महाभारत' घडलं...
आणि "कृष्ण'ही थिजला...
अतिरथी, महारथी सारेच कुचकामी ठरले....
"कागदावरचे वाघ' बिरुदाला सारेच जागले...
अपेक्षाभंगाच्या दुःखानं देशवासी पोळून निघाले...
आणि "शेजार' उजळून निघाला...
"टीम इंडिया'! सॉरी! नाही, आमचंच चुकलं...
चुकीच्या पाखरावरती मन आमचं जडलं...
तोंडचा घास काढून कुणी नेताना
आमच्या डोळ्यांनी पाहिलं...
आणि मनाचा डोळा उगा भरून आला...
"सूर्यग्रहण' हे, कधी तरी सुटेल...
अमावस्येची काजळी कधी तरी मिटेल...
विजयाची गुढी कधी तरी उंचावेल...
आणि... आजच गुढीपाडवा आला..!